2023-cü ilin interyer dizayn trendləri – Rahat interyer, cəsarətli çalarlar və eko materiallar bizi gözləyir.

Qlobal tendensiyalar və ictimai əhval-ruhiyyə həyatın bir çox aspektlərinə, o cümlədən interyer dizayna təsir göstərir.

2023-cü ilin interyer dizaynının əsasını mənzildə optimal funksionallıq və rahatlıq təşkil edir.

Retro əşyalar, təbii materiallar 2023-cü ildə populyar olmağa davam edəcək. Dəbdəbə və bəlkə də bir az qarışıqlıq bir çox insanın üstünlük verdiyi minimalizmi əvəz edəcək.

Minimalizm, klassika, loft kimi dizaynlar artıq keçmişdə qalacaq. Konkret üslubu fərdiliyiniz, rahatlığınız əvəz edəcək. Bunun üçün müxtəlif dizaynlı mebel və dekoru qarışdırmaq olar.

Evdəki atmosfer və rahatlıq stressi aradan qaldırır və təhlükəsizlik hissi verir, buna görə də insanlar retro və boho üslubuna qayıdırlar.

2023-də öndə olacaq dizayn elementləri:

• Yumşaq minimalizm

• Lüks üçün heç bir məhdudiyyətin olmaması

• Ağıllı evlər

• Keçmişə qayıdış

• İnteryerdə fərdilik və incəsənət toxunuşları

• Art Deco elementləri

• İnteryerdə zolaqlar

• Mərmər detallar və s.